Veiðisafnið er einstakt á landsvísu en hvergi á Íslandi er hægt að sjá jafn fjölbreytt úrval uppstoppaðra veiðidýra, skotvopna og veiðitengdra muna en hér ásamt því að fræðast um veiðidýr, skotvopn, veiðar og náttúruvernd.

Einstök uppsettning grunnsýningar safnsins er margrómuð en auk hennar eru settar upp sérsýningar árlega og má þar nefna byssusýningu og snertisafari – sýningu fyrir sjónskerta og blinda. Jafnframt kynningu til komandi kynslóða er varðar veiði og veiðirétt með aðaláherslu á náttúruvernd og skynsemisveiðar

Strútur á Stokkseyri

Heimilisdýrum á Veiðisafninu á Stokkseyri hefur fjölgað, er um að ræða sendingu uppstoppaðra dýra frá Suður Africu alls átta talsins, þar af sjö uppstoppuð. Voru dýrin felld í veiðiferð Páls Reynissonar veiðimanns og stofnanda Veiðisafnsins rétt undir áramótin 2010.

Strútur í heilu lagi og krókódíll ásamt fjórum frampörtum af antilópum hafa nú verið uppsett í sýningarsölum Veiðisafnsins og einnig er uppsettur frampartur af mjög stórum nashyrningi í endurgerð en nashyrninginn skaut Páll með sérsmíðum riffli sem skýtur deyfipílum, er hér um svokallaða björgunarveiði að ræða og er nashyrningurinn lifandi ennþá en tekin voru af honum hornin svo forða megi honum frá veiðiþjófum sem stunda ránsveiðar á nashyrningum til að vinna duft úr hornum þeirra, sem seld eru háu verði víða í Asíu þar sem margir trúa að nota megi þau til lækninga.

Margir safnagestir Veiðisafnsins kannast við þessa sögu því von hefur verið á þessum dýrum um þó nokkurn tíma og er það okkur sönn ánægja að tilkynna að dýrin eru komin í hús.

Strúturinn er uppsettur í heilu lagi, er hér um tveggja metra karlfugl að ræða og vekur hann mikla eftirtekt. Krókódíllinn er Nílarkrókódíll einnig uppsettur í heilu lagi, bæði þessi dýr felldi Páll Reynisson veiðimaður með skammbyssu.. Antílópurnar eru uppsettar á vegg og eru, Leirbukkur, Skrúðantilópa, Reyrbukkur, Runnahafur og Livingston Elgantilópa

Opnunartími

OPIÐ 11:00 – 18:00
-alla daga apríl - september
-eingöngu um helgar okt, nóv, feb og mars.
-lokað í desember og janúar