Byssur og persónulegir munir.

 

Tveir landsþekktir veiðimenn, þeir Sigurður Ásgeirsson í Gunnarsholti og Einar Guðlaugsson frá Þverá létust báðir í apríl 2008.

Að öðrum ólöstuðum skotveiðimönnum á Íslandi er ekki nokkur vafi á að báðir þessir menn standa fram úr er varðar fjölda veiðidýra sem þeir felldu á ævinni og einnig tækniþekkingu, uppfinningum sem og útsjónarsemi er kemur að skotveiðum á tófu og mink.

Veiðisafnið hefur eignast byssur og persónulega muni Sigurðar sem lést 19. apríl 2008 og einnig heiðrum við minningu Einars heitins hér á vefsíðu safnsins, en hann lést af slysförum ásamt veiðifélaga sínum Flosa Ólafssyni 2.april 2008.

Stjórn Veiðisafnsins vill þakka aðstandendum beggja þessara manna fyrir samstarfið sem leiddi til þess að við getum nú heiðrað minningu þessara einstöku skotveiðimanna.

Hafa munir  frá Sigurði Ásgeirssyni nú þegar verið settir upp í grunnsýningu Veiðisafnsins.

P.R / G.E